| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 18.217 | Dem. 18.220 (English) | >>Dem. 18.223 |
18.218οὐκοῦν ἡμεῖς μὲν ἐν θυσίαις ἦμεν τότε , Θηβαῖοι δʼ ἐν τῷ διʼ ἡμᾶς σεσῶσθαι νομίζειν , καὶ περιειστήκει τοῖς βοηθείας δεήσεσθαι δοκοῦσιν ἀφʼ ὧν ἔπραττον οὗτοι , αὐτοὺς βοηθεῖν ἑτέροις ἐξ ὧν ἐπείσθητʼ ἐμοί . ἀλλὰ μὴν οἵας τότʼ ἀφίει φωνὰς ὁ Φίλιππος καὶ ἐν οἵαις ἦν ταραχαῖς ἐπὶ τούτοις , ἐκ τῶν ἐπιστολῶν τῶν ἐκείνου μαθήσεσθε ὧν εἰς Πελοπόννησον ἔπεμπεν . καί μοι λέγε ταύτας λαβών , ἵνʼ εἰδῆτε , ἡ ἐμὴ συνέχεια καὶ πλάνοι καὶ ταλαιπωρίαι καὶ τὰ πολλὰ ψηφίσματα , ἃ νῦν οὗτος διέσυρε , τί ἀπειργάσατο .
καίτοι πολλοὶ παρʼ ὑμῖν , ἄνδρες Ἀθηναῖοι , γεγόνασι ῥήτορες ἔνδοξοι καὶ μεγάλοι πρὸ ἐμοῦ , Καλλίστρατος ἐκεῖνος , Ἀριστοφῶν , Κέφαλος , Θρασύβουλος , ἕτεροι μυρίοι · ἀλλʼ ὅμως οὐδεὶς πώποτε τούτων διὰ παντὸς ἔδωκεν ἑαυτὸν εἰς οὐδὲν τῇ πόλει , ἀλλʼ ὁ μὲν γράφων οὐκ ἂν ἐπρέσβευσεν , ὁ δὲ πρεσβεύων οὐκ ἂν ἔγραψεν . ὑπέλειπε γὰρ αὐτῶν ἕκαστος ἑαυτῷ ἅμα μὲν ῥᾳστώνην , ἅμα δʼ εἴ τι γένοιτʼ ἀναφοράν .
18.220τί οὖν ; εἴποι τις ἄν , σὺ τοσοῦθʼ ὑπερῆρας ῥώμῃ καὶ τόλμῃ ὥστε πάντα ποιεῖν αὐτός ; οὐ ταῦτα λέγω , ἀλλʼ οὕτως ἐπεπείσμην μέγαν εἶναι τὸν κατειληφότα κίνδυνον τὴν πόλιν ὥστʼ οὐκ ἐδόκει μοι χώραν οὐδὲ πρόνοιαν οὐδεμίαν τῆς ἰδίας ἀσφαλείας διδόναι , ἀλλʼ ἀγαπητὸν εἶναι , εἰ μηδὲν παραλιπών τις ἃ δεῖ πράξειεν .
18.219
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 18.217 | Dem. 18.220 (English) | >>Dem. 18.223 |
